Inilipat sa Quirino Memorial Medical Center (QMMC) sa Quezon City, Metro Manila, ang babaeng estudyante na biktima ng shooting incident sa Odiongan nitong nakaraang Biyernes, December 14.
Ayon kay Barangay Captain Louie Falcunit, dumating na ngayong Martes sa QMMC ang biktima kasama ang kanyang pamilya na naninirahan sa kanilang barangay.
Kinailangan umanong dalhin sa Manila ang biktimang babae dahil hindi umano kaya sa Romblon ang gagawing operation sa biktima para matanggal ang bala na bumaon sa kanyang leeg.
May malay na rin umano ngayon ang batang babae na hiniling sa Romblon News Network na itago nalang ang kanyang pagkakakilanlan.
Sa pinakahuling update sa media ni Police Chief Inspector Brian Fallurin, hepe ng Odiongan Municipal Police Station, nitong Lunes, sinabi niya na may lead na umano sila sa posibleng suspek ng nangyaring shooting incident.
Patuloy umano ang pagkakalap nila ng mga ibidensya katulad ng mga CCTV na malapit sa pinangyarihan ng insidente.
