Samot-sari ang reaksyon ng mga Odionganon matapos mahigipit na ipatupad ng Odiongan MPS ang ‘No Helmet No Driving’ policy, alinsunod na rin ito sa batas na ipinapatupad hindi lang sa bayan ng Odiongan kundi sa buong bansa. Ang ibang mga bayan nga lang, ay pinasuspende ng kanilang Mayor ang implementasyon nito sa mga piling lugar dahil sa nausong ‘riding in tandem’ na halos hindi malutas ng mga kapulisan dahil sa walang pagkakakilanlan ang mga salarin dahil nagkukubli sila sa loob ng helmet.
Personally, wala akong tutol sa pagpapatupad ng PNP, in fact, pinupuri ko ang ating mga kagawad ng PNP sa kanilang kampanyang ito, dahil sumusunod lamang sila sa batas. Ganun pa man, inaaasahan ko na ring maraming lalabas na mga issues dito.
Sustainability ng pagpapatupad. Bagamat tinitiyak naman ng PNP na hindi magiging ‘ningas kugon’ ang pagpapatupad nito, naniniwala pa rin ako na in the long run, ay luluwag ang implementasyon nito.
May pinilian. Magkakaroon ng pagkakataon na medyo pagpapasensyahan ng mga kapulisan ang ibang mga motorista na walang helmet, dahil kilala ito, o kaya kilalang mataas ang position sa gobyerno, o kaya ay kamag-anak pa. E sa Odiongan naman kasi halos magkakakilala ang lahat, ang mga pulis natin dyan e halos kaibigan at kakilala. Kaya nga ayun, si OIC Mayor Ramer Ramos e nagpahayag na ang mga nagtatrabaho sa munisipyo ay kailangang sumunod at magrespeto sa batas na ito. ‘Ika nga, sila na lang ang mahiya sa ating mga kapulisan.
Standard ng helmet. Ano ba ang minimum quality ng helmet ng dapat gamitin ng mga motirista? Baka naman pwede na ang biniyak lang na bunga ng niyog? May mga nababasa tayong ang iba daw e basta may maipatong na lang sa ulo, yung iba naman tipong props lang, dahil imbis na isuot e binibitbit lang, haha!
Taas-presyo ng helmet. Sabi nga, ‘law of supply and demand’. Aba ay nabalitaan po natin na nagkakaubusan ng helmet, kaya mabenta yung mga helmet ngayon. Hindi naman kaya itinaas ang presyo ng mga nagtitinda?
Practicality. Practical nga ba talaga na ipatupd itong batas na ito, lalo sa maliliit na bayan lamang? Naniniwala ako sa prinsipyo ng ‘safety’ – ito man ang aming laging isinusulong lalo na sa construction industry. Pero ito bang pagsusuot ng helmet e, applicable sa lahat ng kakalsadahan sa bayan ng Odiongan?
Halimbawa, taga Liwayway ka, at bumili lang ng masarap ng tinapay sa Bread and Butter ni halikoy Zald Fetalvero, e 150 meters lang ang layo e kailangan pang maghelmet? E bakit nga ba magmomotor pa ay napakalapit lang pala haha! Kapag nakita ng pulis na walang helmet na bumili lang ng tinapay o suka, aba huhulihin pa rin dahil ipanapatupad lamang po nila ang batas.
Suhestiyon
I believe dapat balikan ng ating mga municipal official ang batas na ito at timbangin. My 2 cents –
1) Magpatupad ng speed limit lamang sa mga minor roads – yung mga nasa lloob na lang mismo ng mga barangays sa poblacion. Halimbawa nasa 50Kph lamang, at payagan ang mga motorista na kahit wala ng helmet. Nauuso na ang CCTV sa Odiongan sa mga barangay man, establisyemento o mga pribadong bahay. Ang kaso nga lang, sigurado maghe-helmet din itong mga pasaway kung manloloob sa mga yan, o gagawa ng krimen.
2) Ipatupad lamang ang ‘no helmet no driving’ policy sa major roads tulad ng national road and provincial road.
3) Total ‘no driving’ policy sa menor de edad. Itong mga ito, sila pa naman ang tila ‘aswang’ kung magmaneho ang bibilis magpatakbo. Sabi nga ng iba, mukhang natatae daw kaya nagmamadali masyado. Dahil sa menor nga e, di naman pa pwedeng ikulong kundi i turn-over sa DSWD, e di panagutin ang mga magulang.
4) Ikulong ang mga nagmamaneho ng lasing, na isa pang natatae ata kung nagpapatkabo ng motor sa sobrang bilis, may paikis-ikis pa, maangas na palibhasa nakainom na e. Yung mga sobrang lasing na, ahammm… mag self-destruct na ang mga yun matutumba na mismo sila sa kalasingan, tsk tsk tsk.
