Apat na mangingisda na tubong Masbate City ang nawawala matapos mangisda sa bahagi ng Sibuyan Sea sa Sibuyan Island, Romblon.
Ayon Provincial Disaster Risk Reduction and Management Office (PDRRMO-Romblon), December 19, 2017 pa umalis ng Barangay Cawayan, Masbate City ang apat na mangingisda at hanggang ngayon ay hindi pa bumabalik.
Natagpuan naman sa bayan ng Corcuera, Romblon nitong January 01 ang bangka na sinakyan ng apat at sira sira na ito.
Kinilala ang apat na sina Reynaldo Torres, Francis Bajar, Vicente Dela Cruz, Ronald Ranola, pawang residente ng Masbate City.
ADVERTISEMENT
Umaasa ang pamilya ng apat na buhay pa ang mga ito.
Inalerto na rin ng PDRRMO Romblon ang lahat ng MDRRMO at Coast Guard sa Romblon sa maaring sightings sa apat.
