Patay ang isang babaeng bagong graduate sa Romblon State University – Santa Maria Campus matapos na ma hit-and-run ng isang motorsiklo nitong nakaraang Linggo sa Sta. Rosa, Laguna.
Kinilala ang biktima na si Christina Mojado Galang, 24-anyos, residente ng Sitio Nipa, Barangay Tugdan, Alcantara, Romblon.
Ayon sa kamag-anak ng biktima, galing umanong trabaho si Galang at pauwi na ng mahagip ng humaharorot na motorsiklo at natumba na naging sanhi ng matinding pagkabagok ng kanyang ulo. Nadala pa siya sa Ospital ngunit binaiwan rin ng buhay makalipas ang ilang araw.
Hindi naman nakilala at naplakahan ng mga saksi ang motorsiklong nakasagi kay Galang.
Kakasimula lang sa trabaho ni Galang dahil bagong graduate lang ito sa kursong Bachelor of Science in Fisheries sa Romblon State University – Santa Maria Campus.
Hustisya naman ang sigaw ng pamilya ni Galang at sana’y makilala na ang rider ng motorsiklo na nakahagip sa dalaga.
Nakatakdang iuwi ng Tugdan, Alcantara, Romblon ang labi ni Galang para doon iburol.
