{googleads center}
Inaresto sa bisa ng isang warrant of arrest ang isang lalaking wanted sa kasong panghihipo umano ng babae.
Kinilala ang suspek na si Paul Anthony Ilisan Fallarcuna, o alyas Penggoy, 19 taong gulang at residente ng Barangay Poblacion III, Romblon, Romblon.
Ayon kay Police Senior Inspector Gemie Mallen ng Romblon Municipal Police Station, nagsasagawa ang kanyang tropa ng monitoring sa mga Most Wanted Persons sa Barangay Poblacion I nang mamataan si Penggoy nitong 6:30 ng gabi nitong Miyerkules, October 26.
Agad na inaresto ang suspek sa bisa na rin ng warrant of arrest na inilabas ng MTC Fourth Judicial Region sa Romblon, Romblon.
Hawak na ang suspek ng Romblon Municipal Police Station ngunit maari itong makalaya kung magpapiyansa ng P12,000.
