LOOK: Dumaong sa Romblon Port sa Romblon, Romblon ang cruise ship na may pangalang MS Crystal Symphony na may lulang aabot sa 992 na turista at 575 na crew ngayong umaga, March 01.
Sinalubong ang mga pasahero nito na pawang mga galing ibang bansa ng mga empleyado ng Philippine Coast Guard, Provincial at Municipal Government ng Romblon, at ng ilang mga residente ng lugar.
Ang pagdaan umano ng MS Crystal Symphony sa lalawigan ng Romblon ay bahagi lamang ng kanilang Philippine Tour na inanunsyo na nitong nakaraang buwan ng Department of Tourism MIMAROPA.
Kahapon, nasa Boracay, Malay, Aklan naman ang barko.
Planong mamasyal ng mga sakay ng cruise ship sa mga sikat na pasyalan sa bayan ng Romblon, Romblon hanggang sa pag-alis nila bukas ng umaga.
Todo naman ang siguridad na pinapatupad ng Romblon Municipal Police Station sa bayan dahil sa pagdating ng mga bisita.
Kahapon, nagpulong ang mga tauhan ng Romblon Municipal Police Station kasama ang mga local government units ng bayan para sa maayos na pag-tanggap at siguradid ng mga bisita.
