by Paul Jaysent Fos, Romblon News | Monday, 02 May 2016
Nadakip na ng mga tauhan ng Odiongan Municipal Police Station ang suspek sa pagtaga nitong Sabado ng gabi sa mag-asawang Mingo sa bayan ng Odiongan.
Ayon sa text message na pinadala ni OIC Police Inspector Kim Badillo sa Romblon News Network, sinabi nitong nadakip na nila si Jhony Mingo, 32 taong gulang.
Inihahanda na rin ng opisina ni Badillo ang kasong isasampa sa suspek na lasing umano ng tagain ang mag-asawa.
Nagpapagaling na rin ang mag-asawang Daisy at Nasario Raymundo Gusi sa Romblon Provincial Hospital.
Sa mga litrato na inupload sa facebook ni Luny Solina, anak ng mag-asawa, makikita ang mga tahi at sugat na natamo nila sa pananaga.
Aabot sa 12 inches umano ang sugat na natamo ng kanyang ina na si Daisy, ayon sa kanyang facebook post.
