by Romblon News | Friday, 15 January 2016
Sinabi ni Pasig City Congressman Roman Romulo nitong Martes na maaring hindi sapat ang Php19.2-billion budget na inilaan ng gobyerno para sa maaring epekto ng El Niño sa mga magsasaka at mga maapektuhan ng tagtuyot sa bansa.
“Ano ang plano? Saan mapupunta ang pera?” Pahayag ni Romulo na tumatakbong Senador para sa May 2016.
“All we know from reports quoting NEDA (National Economic and Development Authority) chief Arsenio Balisacan is that there is a budget and that government is preparing for a worst-case scenario that may arise from this Godzilla El Niño threat,” dagdag pa ni Romulo.
Sinabi rin ni Congressman Romulo na dapat ang mga residente ng mga lugar na pinaka-maapektuhan ng tagtuyot ay mabigyan na ng kaalaman kung anong mga assistance ang kanilang makukuha galing sa gobyerno.
Ayon naman sa PAGASA, aabot ng halos 85% ng bansa o 68 provinces, ang makakaranas ng tagtuyot sa darating na Abril, ito ay “meteorological drought” na sanhi ng El Niño.
“A consensus of climate models shows that it will likely strengthen further…and may last until the first half of 2016. This 2015-2016 El Niño event will potentially be four strongest events since 1950 (1972-1973, 1982-1983, 1997-1998),” ayon sa PAGASA.
Sa Luzon ang mga lugar na makakaranas ng El Niño ay: Abra, Kalinga, Ilocos Norte, Ilocos Sur, La Union, Pangasinan, Cagayan, Isabela, Bataan, Bulacan, Nueva Ecija, Pampanga, Tarlac, Zambales, Metro Manila, Batangas, Cavite, Laguna, Marinduque, Occidental Mindoro, Oriental Mindoro, Romblon, Palawan, Albay, Camarines Norte, Camarines Sur, Catanduanes, Masbate, Sorsogon.
Habang sa Visayas ay: Aklan, Antiques, Guimaras, Iloilo, Negros Occidental, Bohol, Cebu, Negros Oriental, Siquijor, Biliran, Eastern Samar, Leyte, Northern Samar, Samar (Western Samar), Southern Leyte.
At mga lugar ng Zamboanga Del Norte, Zamboanga Del Sur, Zamboanga Sibugay, Bukidnon, Camiguin, Lanao Norte, Misamis Occidental, Misamis Oriental, Compostela Valley, Davao Del Sur, Davao Oriental, South Cotabato, North Cotabato, Sarangani, Sultan Kudarat, Surigao Del Norte, Surigao Del Sur, Basilan, Maguindanao, Lanao Del Sur, Sulu, and Tawi-tawi sa Mindanao.
