Nahalal si Dr. Merian P. Catajay-Mani, pangulo ng Romblon State University (RSU), bilang bagong chairperson ng Southern Tagalog Regional Association of State Universities and Colleges (STRASUC) sa isinagawang STRASUC Governing Board Meeting noong July 14.
Matapos ang halalan, agad na pinangunahan ni Catajay-Mani ang pagpupulong ng governing board kung saan inihalal din ang iba pang opisyal ng samahan.
Sa naturang pulong, inaprubahan din ng board ang ilang mahahalagang resolusyon, kabilang ang pagtatalaga sa Romblon State University bilang finance manager ng STRASUC.
Inaprubahan din ang pagsasama-sama ng Fiscal Year 2027 budget submissions ng mga miyembrong state universities and colleges (SUCs) sa mga rehiyon ng CALABARZON at MIMAROPA bilang bahagi ng paghahanda sa susunod na budget cycle.
Dumalo sa pagpupulong ang mga pangulo ng Romblon State University, Laguna State Polytechnic University, Palawan State University, Southern Luzon State University, Mindoro State University, Western Philippines University, at Marinduque State University. Nakibahagi rin ang mga kinatawan ng Cavite State University at University of Rizal System.
Ang STRASUC ay samahan ng mga state universities and colleges sa Southern Tagalog na nagsusulong ng mas matibay na ugnayan, koordinasyon, at pagtutulungan sa larangan ng mas mataas na edukasyon, pananaliksik, extension, at pamamahala sa mga pampublikong pamantasan sa rehiyon.
Discussion about this post