Patuloy na nagpapagaling sa ospital ang dalawang lineman ng Tablas Island Electric Cooperative (TIELCO) matapos silang makuryente habang nagtatrabaho sa itaas ng isang poste ng kuryente sa bayan ng San Agustin.
Ayon sa San Agustin Municipal Disaster Risk Reduction and Management Office (MDRRMO), agad na dinala ang dalawa sa ospital ng San Agustin ngunit kalaunan ay inilipat sa Romblon Provincial Hospital upang mas mabigyan ng masusing atensyong medikal.
Sa inisyal na imbestigasyon, lumalabas na nag-aayos ng linya ng kuryente ang dalawang lineman nang mangyari ang insidente.
Sa ngayon, ligtas na ang kondisyon ng mga biktima.
