Dalawang beses ginahasa sa magkahiwalay na oras sa parehong lugar ang isang grade one student ng isang 60 taong gulang na fish vendor sa bayan ng San Fernando, Romblon.
Ito ang inilapit ni Alyas “May” sa San Fernando Municipal Police Station kasama ang kanyang adviser nitong March 17.
Sa kwento ni Alyas “May”, 9-taong gulang, habang naglalakad umano siya sa National Road nitong March 16, tinawag umano siya ng suspek na kinilalang si Bienvinido Resano Rotoni alyas “Bido” na pumasok sa kanyang bahay kung saan nangyari ang panghahalay.
{googleads right}
Kwento pa ni May hindi lang umano isang beses nangyari ang panghahalay kundi may nauna pang insidente bago ang March 16.
Dahil sa kwentong ito ng 9-taong gulang na estudyante, agad na tumungo sa Rural Health Center ang mga tauhan ng San Fernando Municipal Police Station sa pangunguna ni WCPD PNCO SPO1 Dyna Rafol kasama ang bata at ang adviser nito para ipa-examin ang biktima.
Lumabas sa medical examination ni Dr. Nolmer Ruallo ang ibedensya na nagkaroon ng sexual contact sa biktima.
Dahil sa positibong result, agad na tinungo ng kapulisan sa pangunguna ni SPO3 Peter Rios ang Barangay Campalingo, San Fernando, Romblon kung saan nakatira ang suspek para hulihin ang suspek.
Nakakulong na ang suspek sa San Fernando Municipal Police Station at nakatakdang kasuhan ng Statutory Rape.
Hindi nagbigay ng pahayag ang suspek.
