May libreng medical discount na sa Luna Goco Medical Center sa Calapan City, Oriental Mindoro ang mga pulis na nakatalaga sa rehiyon ng Mimaropa.
Ito ay matapos lumagda sa isang kasunduan sina Police Regional Office Mimaropa Regional Directo PBGen. Sidney Hernia at Dr. Mario Augusto Lorman Goco ng Luna Goco Medican Center kamakailan.
Sa nasabing kasunduan, maaring makakuha ng libreng medical assistance at discounted na hospital charges ang mga pulis sa rehiyon na magtatamo ng sugat sa isang legitimate police operations o habang ginagawa ang kanilang trabaho.
Bukod dito, may 10% discount rin sa hospital charges at mga gamot ang mga pulis na lalagpas sa kanilang Philhealth benefits.
5% discount naman para sa kanilang immediate dependents kagaya ng kanilang asawa, anak, at mga magulang.
Sa isang mensahe, sinabi ni Dr. Goco na hangarin niyang matulungan ang kapakanang pangkalusugan ng mga kapulisan lalo na ang mga taga-Mimaropa.
