Tumanggap si Efifania Vicente, na mas kilala bilang Lola Paning, ng ₱100,000 centenarian benefit mula sa National Commission of Senior Citizens (NCSC) sa pagdiriwang ng kanyang ika-100 kaarawan.
Si Lola Paning, residente ng Barangay Mabini, ay pinagkalooban ng benepisyo alinsunod sa Centenarians Act of 2016 o Republic Act No. 10868.
Kasabay ng benepisyo, tumanggap din siya ng liham ng pagbati mula sa Pangulo ng Pilipinas bilang pagkilala sa kanyang pag-abot sa edad na 100.
Bahagi ang pagkakaloob ng benepisyo sa pagkilala ng pamahalaan sa mga Pilipinong umaabot sa edad na 100.
