Magbubukas ng bagong sangay ang Ortiz Drug Store sa bayan ng San Agustin, Romblon, bilang bahagi ng pagpapalawak ng serbisyo nito at paglalapit ng mga produktong pangkalusugan sa mas maraming Romblomanon.
Sa loob ng mahigit 25 taon, naging bahagi na ng pang-araw-araw na pangangailangan ng mga pamilyang Romblomanon ang Ortiz Drug Store, partikular sa pagbili ng mga gamot at iba pang produktong may kaugnayan sa kalusugan.
Inaasahang malaking tulong ang pagbubukas ng Ortiz Drug Store – San Agustin Branch, lalo na para sa mga residente ng San Agustin at mga kalapit na lugar na kinakailangan pang bumiyahe patungong Odiongan upang makabili ng kanilang mga gamot.
Makikinabang din dito ang mga bumibiyahe mula sa iba pang bayan at isla ng Romblon dahil mas magiging accessible ang mga produkto at serbisyong hatid ng Ortiz Drug Store.
Layunin ng bagong branch na mailapit sa mga mamamayan ang maayos, maaasahan at malinis na serbisyo para sa kanilang mga pangangailangan sa gamot at kalusugan.
Para sa mga Romblomanon na matagal nang nagtitiwala sa Ortiz Drug Store, isa rin itong hakbang upang mas mapalawak pa ang serbisyong matagal nang inihahatid ng negosyo sa lalawigan.
Abangan ang pagbubukas ng Ortiz Drug Store – San Agustin Branch.
Discussion about this post