Tatlong katao, kabilang ang isang 2-anyos na bata, ang nasugatan matapos magkasagian ang dalawang motorsiklo sa kahabaan ng national road sa Barangay Balogo, Calatrava, Romblon, noong hapon ng August 6.
Ayon sa imbestigasyon ng Calatrava Municipal Police Station (MPS), kapwa patungong San Andres ang dalawang motorsiklo nang mangyari ang insidente.
Lumalabas sa imbestigasyon na ang 26-anyos na estudyante na nagmamaneho ng Suzuki Smash 115 ay biglang lumiko pakaliwa patungo sa kalsadang papasok sa Gawad Kalinga nang hindi umano nagbibigay ng senyales. Sa parehong pagkakataon, ino-overtake naman ito ng 36-anyos na rider na sakay ng Rusi 150. Dahil dito, nagkasagian ang dalawang motorsiklo.
Dahil sa insidente, nawalan ng kontrol ang rider ng Rusi at nahulog sa katabing spillway, habang ang Suzuki Smash ay natumba sa kalsada matapos huminto.
Sugatan ang driver ng Suzuki Smash at agad na isinugod sa ospital. Dinala din sa ospital ang dalawang angkas nito, kabilang ang isang 2-anyos na bata, para sa kaukulang lunas.
Napag-alaman din ng pulisya na kapwa walang valid driver's license ang dalawang rider. Ang rider ng Rusi ay may tatlong angkas nang mangyari ang insidente.
Discussion about this post