Sumailalim sa mandatory drug testing ang mga tauhan ng Alcantara Municipal Police Station (MPS) noong Agosto 13, 2026 bilang bahagi ng patuloy na hakbang ng Philippine National Police (PNP) upang mapanatili ang integridad, disiplina at propesyonalismo sa hanay ng kapulisan.
Pinangunahan ni PCPT Von A. Edades, Officer-in-Charge ng Alcantara MPS, ang mga tauhan na sumailalim sa pagsusuri sa Barangay Poblacion, Alcantara, Romblon.
Isinagawa ang drug testing sa pangunguna at pangangasiwa ng Romblon Provincial Forensic Unit bilang bahagi ng pagpapatupad ng PNP Internal Cleansing Program at pagsusulong ng drug-free police organization.
Saklaw ng mandatory drug testing ang uniformed at non-uniformed personnel ng PNP. Isinasagawa ang mga pagsusuri nang regular, random at hindi inaanunsyo upang matiyak ang integridad at pagiging propesyonal ng mga tauhan.
Ayon kay PCOL Rexton F. Sawi, Provincial Director ng Romblon Police Provincial Office, mahalaga ang pagiging drug-free ng mga pulis upang mapanatili ang tiwala at kumpiyansa ng publiko.
Patuloy namang isinusulong ng PNP ang mga hakbang para mapanatili ang disiplina at integridad sa organisasyon bilang bahagi ng kanilang internal cleansing efforts.
Discussion about this post