Opisyal nang nagbukas noong Mayo 8 ang TGP – The Generics Pharmacy Odiongan upang maghatid ng abot-kayang gamot at health essentials para sa mga residente ng bayan.
Matatagpuan ang bagong botika sa M. Formilleza Street, Barangay Liwayway, Odiongan, Romblon.
Kasabay ng soft opening ng establisimyento ay ang iba’t ibang promos at freebies para sa mga mamimili bilang bahagi ng kanilang pagbubukas sa komunidad.
Samantala, nagsagawa rin ang TGP Odiongan ng libreng medical consultation noong Mayo 9 kung saan halos 50 pasyente ang nabigyan ng libreng konsultasyon mula sa doktor.
Layunin ng naturang aktibidad na makatulong sa mga residente sa pamamagitan ng mas madaling access sa basic healthcare services at abot-kayang gamot.
Ang TGP ay kilala bilang isa sa mga pharmacy chains sa bansa na nag-aalok ng generic medicines at iba pang health products sa mas mababang halaga.
