Isang insidente ng sunog ang naganap nitong umaga ng Abril 14, 2026 sa vicinity ng Sitio Agsalay, Barangay Jao-Asan, ayon sa ulat ng Magdiwang Public Information Office.
Unang rumesponde ang mga opisyal ng barangay sa pangunguna ni Punong Barangay Napoleon Manzana, na sinundan ng Municipal Disaster Risk Reduction and Management Office sa pamumuno ni MDRRMO Head Roland Paniagua, kasama ang Bureau of Fire Protection, Philippine National Police, Department of Environment and Natural Resources, at mga residente upang agad na makontrol at maapula ang apoy.
Batay sa paunang pagsusuri ng mga barangay officials, posibleng sanhi ng sunog ang pangunguha ng pukyutan kung saan maaaring may naiwang siga.
Gayunman, patuloy pang bineberipika ang tunay na pinagmulan ng insidente at ang lawak ng pinsala sa apektadong lugar.
Tinatayang nasa 3 hanggang 4 na ektarya ng lupain ang naapektuhan ng sunog, batay sa nakuhang impormasyon ng Romblon News Network.
