Tumanggap ng fuel subsidy ang mga mangingisda na may mga bangkang de makina sa bayan ng Calatrava mula sa Bureau of Fisheries and Aquatic Resources (BFAR) sa ilalim ng Department of Agriculture.
Ayon sa ulat, kabilang sa mga benepisyaryo ang 12 mula sa Barangay Talisay, lima sa Poblacion, apat sa Linao, dalawa sa Balogo, at isa sa Pangulo, na pawang rehistrado sa FishR o Municipal Fisherfolk Registration System ng pamahalaan.
Bawat isa ay nakatanggap ng cash card na nagkakahalaga ng ₱3,000 na maaari nilang gamitin sa pagbili ng krudo para sa makina ng kanilang bangka.
Ayon kay Director Luisito Manes ng BFAR Romblon, layunin ng programa na matulungan ang mga mangingisda sa kanilang operasyon, lalo na sa gitna ng patuloy na pagtaas ng presyo ng diesel.
Ikinatuwa naman ng mga benepisyaryo ang naturang tulong, na ayon sa kanila ay malaking ginhawa sa kanilang kabuhayan.
Bahagi ang nasabing inisyatiba ng patuloy na programa ng BFAR upang suportahan ang sektor ng pangisdaan, lalo na sa panahon ng mataas na gastusin sa pangingisda.
Discussion about this post