Isang maliwanag na bagay sa kalangitan ang namataan ng ilang residente sa Sibuyan at Odiongan bandang alas-7:35 ng gabi, na agad kumalat sa social media.
Ayon sa mga nakasaksi, bigla umanong nagliwanag ang bagay bago ito tuluyang naglaho sa dilim makalipas ang ilang segundo. Marami ang nagpahayag ng pagtataka kung ano ang naturang liwanag na nakita sa himpapawid.
Ang larawan ay kuha mula sa bayan ng Magdiwang.
Batay sa ilang ulat, posibleng may kaugnayan ang nakita sa paglulunsad ng Jielong-3 rocket mula sa China bandang alas-7:30 ng gabi ng April 11.
Lumikha ang rocket launch ng pansamantalang “comet-like” na guhit sa kalangitan mula Southern China patungo sa West Philippine Sea na maaaring natanaw sa ilang bahagi ng Pilipinas.
Sa ngayon, wala pang opisyal na pahayag ang mga awtoridad hinggil dito.
