Pormal nang binuksan ang Sunny Cupertino Premium Purified Tube Ice sa bayan ng Odiongan upang magbigay ng suplay ng malinis at dekalidad na yelo para sa mga negosyo at personal na pangangailangan.
Matatagpuan ang pasilidad sa Rapayon, Batiano, Odiongan, kung saan gumagamit ang kumpanya ng double pass reverse osmosis, microfiltration na may UV sterilization, at hygienic production process upang matiyak ang kaligtasan at kalinisan ng kanilang produkto.
Ayon sa pamunuan, may kakayahan ang pasilidad na makapag-produce ng hanggang limang tonelada ng tube ice kada araw. Inaasahang makatutugon ito sa pangangailangan ng mga tindahan, resorts, events, at iba pang negosyo sa bayan at kalapit na lugar.
Nag-aalok din ang kumpanya ng libreng delivery para sa bulk orders na 20 kilo pataas. Bukas ang Sunny Cupertino Tube Ice mula Lunes hanggang Sabado, alas-8 ng umaga hanggang alas-6 ng gabi, habang sarado naman tuwing Linggo.
Maaaring makipag-ugnayan ang mga kliyente sa kanilang opisyal na Facebook page na Sunny Cupertino Tube Ice o tumawag sa kanilang contact numbers para sa mga order at katanungan.
