Pormal na ipinagkaloob ng Philippine Charity Sweepstakes Office (PCSO) ang 500 ChariTimba units sa Pamahalaang Bayan ng Santa Fe, Romblon noong Pebrero 19, 2026 bilang bahagi ng Corporate Social Responsibility (CSR) initiatives ng ahensya.
Isinagawa ang turnover ceremony sa PCSO Main Office kung saan personal na iniabot ni Assistant General Manager for Management Services Sector Arnel Casas ang tulong kay Santa Fe Vice Mayor Jessie Ann Del Prado.
Ayon sa pamahalaang bayan, ilalaan ang mga ChariTimba units para sa Persons with Disabilities (PWDs) at mga senior citizen sa munisipyo upang makatulong sa pagtugon sa kanilang agarang pangangailangan.
Bahagi ang pamamahaging ito ng mas malawak na programa ng PCSO na naglalayong maghatid ng mahalagang tulong sa mga sektor na nangangailangan sa iba’t ibang panig ng bansa sa pamamagitan ng kanilang CSR initiatives.
