Inakusahan ni Senador Raffy Tulfo si Department of Public Works and Highways (DPWH) MIMAROPA Regional Director Gerard Pacanan na may kaugnayan umano sa isang kompanya na kumikita mula sa mga flood control projects sa kanyang nasasakupan.
Isiniwalat ito ni Tulfo nitong Martes, August 19, sa pagdinig ng Senate Blue Ribbon Committee na tumatalakay sa mga umano’y iregularidad sa pagpapatupad ng mga flood control project sa iba’t ibang bahagi ng bansa.
Ayon sa senador, personal na nakikinabang si Pacanan dahil siya ay pagmamay-ari umano ng isang kompanyang kumukubra ng hanggang 60 porsyento mula sa pondo ng mga proyekto.
“Anong mangyayari do’n sa ₱10 billion na natitira, syempre kukunin po ‘yan ni Mr. Pacanan. At ‘yung ₱5 billion, si Mr. Pacanan na lang po ang gagawa ng project dahil meron din po siyang sariling kompanya na nangongontrata… Sa ₱5 billion niya, magbibigay siya ng 28% SOP sa mga proponent,” pahayag ni Tulfo sa pagdinig.
Wala pang pahayag si Pacanan habang isinusulat ang balitang ito.
