Natupok ng apoy ang tatlong bahay sa Barangay Magsaysay nitong Miyerkules ng umaga, Hulyo 9.
Batay sa ulat ng mga awtoridad, pagmamay-ari ang mga nasunog na bahay ni Lopito Solangaon.
Ayon sa mga residente, pasado alas-10:30 ng umaga nang magsimula ang sunog mula umano sa nakasinding mosquito coil sa isa sa mga bahay.
Dahil gawa sa kahoy ang mga bahay, mabilis kumalat ang apoy sa kalapit na mga gusali.
Idineklara ng Bureau of Fire Protection (BFP) ang sunog na “fire out” bandang alas-11:30 ng umaga.
Patuloy ang imbestigasyon ng BFP para matukoy ang tunay na pinagmulan ng sunog at matantiya ang kabuuang halaga ng pinsala.
Samantala, agad nagpaabot ng tulong ang lokal na pamahalaan ng Santa Fe sa mga apektadong pamilya. Namahagi sila ng food items at non-food items bilang pansamantalang suporta, matapos masunog ang lahat ng gamit ng mga nasunugan.
