Arestado ang isa sa Top 5 Most Wanted Persons ng Taguig City sa ikinasang joint operation ng Taguig City Police at Santa Maria Municipal Police Station noong Mayo 1, 2025.
Kinilala ang suspek sa alyas na “Gerald”, isang roofing installer, na naaresto dakong 4:30 ng hapon sa Sitio Ilaya, Barangay Concepcion Norte.
Ang warrant of arrest laban kay alias Gerald ay inilabas ng RTC Branch 163 sa Taguig City, para sa kasong Statutory Acts of Lasciviousness sa ilalim ng Article 336 ng Revised Penal Code, kaugnay ng Section 5 (b) ng Republic Act 7610, na na-amendahan ng R.A. 11648.
Ipinaalam sa suspek ang kanyang karapatang konstitusyonal sa wikang nauunawaan niya ngunit piniling manahimik.
Sumailalim siya sa medical exam at pansamantalang nakakulong sa Santa Maria MPS habang hinihintay ang commitment order mula sa korte.
Pinuri ni PBGEN Joseph R. Arguelles, Acting District Director ng SPD, ang matagumpay na operasyon at pagtutulungan ng mga ahensya upang mahuli ang mga wanted na indibidwal saan mang panig ng bansa.
