Bilang paghahanda para sa ligtas, tapat, malaya, at maayos na 2025 National and Local Elections (NLE), pormal na binuksan ng Romblon Police Provincial Office sa pangunguna ni Provincial Director Col. Rexton Sawi ang Provincial Media Action Center (PMAC) noong Mayo 7, sa kanilang himpilan sa Brgy. Capaclan, Romblon, Romblon.
Ang PMAC ang magsisilbing sentro ng pagbibigay ng napapanahon, tama, at makabuluhang impormasyon kaugnay sa halalan.
Ayon kay Lt.Col. Ledilyn Ambonan, hepe ng Public Information Office, pamamahalaan ng nasabing tanggapan ang paglalabas ng mga pahayag sa media, opisyal na ulat, at press briefing mula sa PNP Provincial Command Group at iba pang National Support Units.
Bahagi ito ng patuloy na adbokasiya ng PNP para sa pagiging bukas at tapat sa pagbibigay ng impormasyon habang isinasagawa ang halalan.
Layunin ng PMAC na palakasin ang koordinasyon at ugnayan sa pagitan ng Philippine National Police at ng mga miyembro ng media bago, habang, at pagkatapos ng halalan.
