Mainit na sinalubong ng mga Romblomanon si dating Senador Panfilo “Ping” Lacson sa kanyang pagbisita sa lalawigan noong Marso 26.
Dumalo si Lacson sa isang pagtitipon sa Barangay Bunga, Santa Maria, kung saan nakasama niya ang mga opisyal ng lalawigan, kabilang sina Governor Jose Riano, Vice Governor Armando Gutierrez, at Congressman Eleandro Jesus Madrona.
Masiglang tinanggap ng mga residente, lalo na ng mga senior citizen at iba pang dumalo, ang pagdating ng dating senador.
Ayon kay Lacson, ikinagagalak niyang makabalik sa Romblon, isang lugar na nagbigay sa kanya ng malaking suporta noong huli niyang termino sa Senado.
Matapos ang pagbisita sa Barangay Bunga, nagtungo si Lacson sa Barangay Bachawan sa San Agustin, kung saan nakipagpulong siya sa mga alkalde ng lalawigan at ilang opisyal ng Sangguniang Kabataan.
Si Lacson ay tumatakbo muli sa pagka-senador ngayong eleksyon.
