Hindi na nakapalag si alyas M, 23, nang dakmain ng mga operatiba ng Criminal Investigation and Detection Group, PPO PIU, San Fernando Municipal Police Station.
Batay sa warrant of arrest na binababa ni Judge Ralph Jerome De Guia Salvador ng Regional Trial Court, Fourth Judicial Region Branch 144, Antipolo City, noong November 11, 2024; ang suspek ay nahaharap sa kasong murder na nakatala sa criminal case number 24-86923 at walang kaukulang piyansa.
Ayon pa sa mga operatiba, may pending case din ang suspek sa paglabag sa Republict Act 10591 o ang Comprehensive Firearms and Ammunition Act sa Marikina RTC Branch 272 at paglabag sa RA. 9165 o Comprehensive Dangerous Drugs Act of 2002 sa Antipolo City RTC Branch 138.
Matapos ipaalam sa suspek ang kanyang mga karapatan ay agad dinala sa San Fernando Municipal Police Station para sa dokumentasyon at disposisyon kasunod ang pagpapa-medikal dito.
Dadalhin pabalik ng Antipolo City ang suspek para iharap sa korte.
