Sugatan ang isang 40-anyos na construction worker sa Barangay San Isidro, Alcantara, Romblon matapos masaksak ng isang kapwa construction worker noong gabi ng January 5.
Ang biktima ay kinilalang si alayas J habang ang suspek naman ay kinilalang si alyas R, 36 anyos, pawang mga residente ng nabanggit na barangay.
Batay sa ulat ng Alcantara Municipal Police Station, habang nasa kanyang bahay ang biktima, bigla di umanong dumating ang suspek sa pintuan at sinaksak ito sa hindi pa alam na dahilan.
Tinamaan sa labi at sa dibdib ang biktima na agad namang tumakbo para humingi ng tulong sa kanyang uncle at sa kanyang asawa. Ang suspek namang si alyas R, agad na tumakas dala ang ginamit na patalim sa krimen. Agad na isinugod sa Don Modesto Formilleza Memorial Hospital ang biktima para ipagamot.
Naaresto ng mga rumespondeng pulis ang suspek ngunit hindi narekober ang ginamit nitong patalim. Nakakulong na ngayon ito at nahaharap sa kaukulang kaso.
