Pinasinayaan ngayong Lunes ang bagong tayong Child Development Center sa Barangay Poblacion sa bayan ng Alcantara, Romblon.
Ang nasabing proyekto na sinimulan noong nakaraang taon ay bahagi ng programa ng Early Childhood Care and Development Council at pinondohan ng aabot sa P3.8 million.
Dumalo sa pagpapasinaya ng bagong gusali si Alcantara Mayor Riza Pamorada na nagpasalamat naman kay Butchoy Arevalo, dating SB ng Odiongan, na naging daan para umano maisakatuparan ang nasabing proyekto.
Sa panayam ng Romblon News Network kay Arevalo, sinabi nito na nakipag-usap siya sa iba’t ibang opisina ng gobyerno sa NCR para mabigyan ng pondo ang lokal na pamahalaan ng Alcantara para sa bagong Child Development Center.
Aniya, malaking tulong ito sa mga kabataan ng bayan. Maliban sa Alcantara, may tatlong iba pang Child Development Center ang itinatayo sa iba’t ibang bahagi ng Romblon.
