Ipinag-utos na ni San Jose Mayor Egdon Sombilon ang pansamantalang pagsuspende sa mga afternoon face to face classes sa kanilang bayan dahil sa apektado ng matinding init ng panahon dulot ng El Niño.
Base sa memorandum order ng alkalde, buong buwan ng Abril ipatutupad ang kautusan kung saan lahat ng face to face classes sa hapon ay gagawing modular o blended learning.
Kasama sa apektado ng kautusan ay ang mga nag-aaral sa elementarya, high school at kolehiyo.
Ang bayan ng San Jose ay ang bayan na pinakamalapit sa Western Visayas na lubos ring apektado ng matinding init panahon.
Nauna nang sinabi ng Department of Education na ipinaubaya nila sa mga local school head ang pagpapasya kung kinakailangang suspendehin ang Face to Face classes at lumipat sa Alternative Learning Delivery Mode.
