Isang delivery rider ang nataga ng isang senior citizen matapos mapagbintangan na pinatay di umano ng biktima ang manok na alaga ng suspek.
Sa ulat ng Looc Municipal Police Station, nangyari ang krimen alas-8:30 ng umaga ng January 3 sa Barangay Tuguis sa bayan ng Looc.
Ang suspek na si Celedonio Gatarin De Jesus, 66, ay kinumpronta umano ang biktimang si Salivio De Jesus, 28, habang naglilinis sa loob ng kanyang bahay, dahil sa manok na namatay sa bakuran ng biktima.
Habang nagtatalo, bigla umanong tinaga ng suspek ang biktima sa kamay at paa.
Paliwanag ng biktima, hindi niya naman umano pinatay ang manok ng suspek kundi namatay ito dahil sa sakit.
Nagpapagaling na ang biktima habang ang suspek ay nakakulong na sa Looc Municipal Police Station matapos maaresto. Mahaharap ito sa kasong Frustrated Murder.
