Inaresto ng mga tauhan ng Police Provincial Drug Enforcement Unit ang isang mekaniko sa bayan ng San Agustin, Romblon dahil sa ipinagbabawal na droga nitong gabi ng December 28.
Ang suspek ay kinilala ng San Agustin Municipal Police Station na si Ivan Montesa, 28, residente ng Barangay Poblacion.
Ayon sa police report mula sa Romblon Police Provincial Office, nabilhan di umano ng mga kapulisan ang suspek ng ipinagbabawal na gamot sa pamamagitan ng isang buy-bust operation sa San Agustin Public Cemetery.
P3,000 ang halaga di umano ng nabiling ipinagbabawal na gamot ng tauhan ng Philippine National Police na nag panggap na isang poseur-buyer.
Tinatayang aabot sa 0.2 gram ang di umano ay nabili ng mga kapulisan sa suspek.
Nakakulong na ngayon ito sa San Agustin Municipal Police Station at mahaharap sa kasong paglabag sa Comprehensive Dangerous Drugs Act of 2002.
