Sugatan ang isang lalaki sa bayan ng Magdiwang, Romblon matapos di umano itong saksakin ng kanyang kainuman kaninang hatinggabi.
Nakilala ng Magdiwang Municipal Police Station ang biktima na si Christian Malavega, 33, habang ang suspek naman ay kinilalang si Camilo Ibabao Gonzalez, 57, pawang mga residente ng Barangay Agsao.
Sa imbestigasyon ng pulisya, nag-iinuman umano ang dalawa kasama ang kanilang mga kaibigan nang magkaroon sila ng pagtatalo na naging dahilan ng pananaksak.
Nagtamo ng saksak sa kamay, at abdomen ang biktima na agad namang isinugod sa Magdiwang Rural Health Unit.
Nahuli naman ang tumakas ng suspek ng mga tauhan ng Magdiwang Municipal Police Station matapos silang magslunsad ng hot pursuit operation laban dito. Hindi na narekober sa suspek ang ginamit di umano nitong patalim.
Nakakulong na ito ngayon at mahaharap sa kaukulang kaso.
