Nakitang palutang-lutang nitong Miyerkules ng umaga sa dagat ng Sitio Core sa Poblacion, San Andres, Romblon ang isang menor de edad.
Sa ulat na nakarating sa Romblon Police Provincial, galing ng paaralan ang bata kasama ang ina nito bago mangyari ang aksidente.
Inutusan umano ng ina ang biktima na huwag aalis sa upuan dahil gagamit lang ng banyo ang ina ngunit paglabas ng ina sa banyo ay hindi niya na nakita ang kanyang anak.
Sinubukan niyang hanapin ang anak sa labas at sa mga kapitbahay ngunit bigo ito. Mahigit 30 minuto na ang nakalipas nang mapansin ng mga kapitbahay na palutang-lutang na ang labi ng bata sa gilid ng isang bangka sa lugar.
Dinala pa sa San Andres District Hospital ang bata ngunit idineklara din itong dead on arrival ng Doctor.
