Nasawi ang isang 78 anyos na Lola sa Alcantara, Romblon matapos itong masalpok ng rider na walang lisensya para magmaneho ng sasakyan noong umaga ng August 14.
Ang biktima ay kinilalang si Yolynia Galivo, residente ng Barangay Tugdan.
Ayon sa ulat ng Alcantara Municipal Police Station, patungo umano ng Santa Maria ang rider na kinilalang si Angelo Galang, grade 12 student, nang biglang tumawid si Galivo dahilan upang masalpok ito.
Natumba ang biktima sa kalsada sa lakas ng pagkakasalpok dito.
ADVERTISEMENT
Sinubukan pang isugod sa Don Modesto Formilleza Hospital sa bayan ng Looc, Romblon ang biktima ngunit idineklara rin itong dead on arrival.
Hawak na ng Alcantara Municipal Police Station ang rider at ang motorsiklo nito para sa kaukulang aksyon.
