Isinugod sa ilang paggamutan sa Sibuyan Island ang ilang residente ng bayan ng San Fernando matapos sumakit ang kanilang mga tiyan dahil sa nakaing tahong na inangkat pa mula sa Visayas.
Pinaghihinalaang apektado ng Red Tide ang mga tahong na dumating sa bayan kahapon sakay ng isang pumpboat.
Kagabi palang ay may isinusugod na sa Rural Health Unit ng San Fernando dahil sa pananakit ng tiyan habang ang ilan naman ay dumiretso na sa Sibuyan District Hospital para doon magpagamot.
May ilang naka-admit na rin ngayon sa RHU San Fernando dahil parin sa nararamdamang pananakit.
Ipinag-utos na ng lokal na pamahalaan ng San Fernando sa mga nagbebenta ng mga inangkat na tahong na itigil na ang pagbebenta ng mga ito habang patuloy ang imbestigasyon.
