Nasawi ang isang bata sa bayan ng San Fernando, Romblon matapos itong madaganan ng tumaob na tricycle noong Linggo.
Sa ulat ng San Fernando Municipal Police Station, ang 14-year old na bata ay backride ng tricycle na minamaneho ni Dexter Rosito, 20, residente ng Barangay Panangcalan.
Binabaybay umano nila ang feeder road sa Barangay Pili nang tumaob ang tricycle na may kargang mga pinutol na kahoy.
Nakatalon umano ang driver ngunit naiwan ang bata at nadaganan ng tricycle at ng mga pinutol na kahoy dahilan nang kanyang pagkasawi.
Dinala sa istasyon ng pulisya ang suspek para sa kaukulang aksyon. Posible itong maharap sa kasong reckless imprudence resulting to homicide.
