Wala nang buhay nang matagpuan nitong Huwebes ang katawan ng isang 61-anyos na Lolo matapos itong tangayin ng flash flood kahapon sa Barangay Bachawan, San Agustin, Romblon
Ang nasawi ay kinilalang si Andres Romero Manrique, residente ng Barangay Bachawan.
Sa ulat na nakarating sa San Agustin Municipal Police Station, ang matanda ay tinangay umano ng flash flood sa Bachawan River matapos itong bumaba sa ilog para sana umihi ngunit nakaapak ito ng maputik na lupa dahilan upang mawalan ito ng balanse at mahulog sa ilog.
Ang search and rescue operation ay ginagawa ng pinagsamang puwersa ng Philippine Coast Guard San Agustin, San Agustin Fire Station, at ng Municipal Disaster Risk Reduction and Management Office (MDRRMO).
