Biaringan Zipline sa San Agustin, bubuksan na muli sa mga turista

Asahan na ang muling pagbubukas ng sikat na Biaringan Zipline sa bayan ng San Agustin, Romblon sa susunod na mga linggo.

Ito ang inanunsyo ni San Agustin mayor Denon Madrona sa ginanap na flag raising ceremony ngayong araw matapos ang mahabang holy week break.

Ayon sa alkalde, matatapos na sa susunod na linggo ang isinasagawang repair sa zipline. January ng kasalukuyang taon nang ianunsyo ang pagsasara ng zipline para sa pagsasaayos sa tower.

Sinabi ng alkalde na sakto para ngayong summer at sa mga gustong magbakasyon sa bayan ang muling pagbubukas nito.