Nagtulong-tulong ang mga kapulisan ng 3rd Platoon ng Romblon Provincial Mobile Force Company (PMFC) sa pagsasaayos ng bahay ng isang pamilya sa San Fernando, Romblon.
Makikita sa larawan na nasa FB Page ng Romblon PMFC na inaayos ng mga pulis ang bubungan ng bahay. Maliban rito ay tumulong rin ang mga pulis sa pagsesemento ng sahig nito.
Napag-alaman na bahay ng pamilya Ramilo sa Barangay Taclobo ang inayos ng mga kapulisan ng 3rd Platoon.
Maliban sa inayos na bahay, gumawa rin ng garden ang mga kapulisan na puwedeng pagkunan ng pamilya ng kanilang makakain na gulay, saging at mga kamoteng kahoy.
