Nakumpiska sa ikinasang anti-illegal logging operations ng Philippine Coast Guard at DENR ang aabot sa mahigit 270 board feet ng good lumber sa shoreline malapit sa Brgy. Campalingo, San Fernando.
Ayon sa Coast Guard Station Romblon, ang operasyon ay ikinasa nang pinagsamang puwersa ng Coast Guard Sub-Station Cajidiocan at Magdiwang kasama ang DENR Sibuyan Sub-station.
Sa taya ng DENR, 13pcs ng assorted cut size ng kahoy ang kanilang nakumpiska na may market value na aabot sa P22,026.04.
Dinala ang mga kahoy sa outpost ng DENR sa Magdiwang para sa safekeeping.
Patuloy ang imbestigasyon sa pagkakakilanlan sa mga may-ari ng kahoy.
