Mananatili sa Alert Level 1 ang probinsya ng Romblon habang wala pang napapagkasunduan na bagong alert level classifications ang Inter-Agency Task Force for the Management of Emerging Infectious Diseases (IATF-EID).
Ito ang inanunsyo ni Press Secretary Trixie Cruz-Angeles nitong Sabado, July 16.
“The status quo holds for our alert levels, which the IATF will be reviewing on Monday (July 18),” pahayag ni Angeles.
Ibig sabihin nito, mananatili ang huling coronavirus disease 2019 (Covid-19) alert level status na inilabas ng administrasyon ni dating Pangulong Rodrigo Duterte hanggang mag-usap ang IATF.
Mananatili ring level 1 ang iba pang lugar sa Mimaropa, ito ang Marinduque, Oriental Mindoro at Puerto Princesa City.
Alert level rin ang Calintaan, Looc, Lubang t Rizal sa Occidental Mindoro maging ag Cagayancillo at Culion sa Palawan. Alert Level 2 naman ang natitirang bahagi ng Occidental Mindoro at Palawan.
Sa Alert Level 1 rin ang Metro Manila at Batangas.
