Nakasalang na sa Sangguniang Bayan ng Looc, Romblon ang proposal na magkaroon ang bayan ng sariling Freedom of Information Ordinance katulad sa ibang bayan sa probinsya ng Romblon.
Kung maipasa, ang nasabing ordinance ang magbibigay ng pagkakataon sa publiko na mapabilis ang paghingi nila ng mga impormasyon mula sa lokal na pamahalaan kagaya ng public records, public information, official records at iba pang dokumento kagaya ng transaksyon at research data.
Masasakop ng panukala ang lahat ng departamento ng lokal na pamahalaan.
Kasama rin sa pwedeng hingiin ng publiko ay ang mga Statements of Assets, Liabilities, and Net Worth (SALN) ng mga opisyal.
Nagsagawa na noong nakaraang araw ng public hearing patungkol sa panukala at inaasahang maipapasa na ito sa mga susunod na linggo.
