Naaresto rin kahapon ng tanghali ang lalaking suspek sa pagpatay sa lalaking kanyang nakainuman sa Barangay Bangon, Odiongan, Romblon noong December 12.
Ang suspek na si Gander Gunaca Biliran ay naaresto ng mga tauhan ng Santa Fe Municipal Police Station at Santa Fe Coast Guard Station habang ito ay papasakay ng bangka papuntang Aklan para sana magtago.
Si Biliran ang tinuturong suspek sa pagpaslang kay Agustin Tomaquin sa loob ng Amihan Farm sa Barangay Bangon matapos magkainitan sa inuman.
Sa progress report ng Odiongan Municipal Police Station na ipinadala sa Romblon Police Provincial Office, sinabi na ang suspek ay may nakuhang getaway vehicle kaya ito nakarating ng Santa Fe pagkatapos ng krimen.
Ibinalik na ang suspek sa Odiongan para iharap sa korte.
Ayon kay Major Gemie Mallen, for inqurest na ngayon sa prosecutor's office ang suspek.
