70 benepisyaryo mula sa 13 na barangay sa bayan ng Odiongan ang nakatanggap kamakailan ng livelihood kits mula sa programang Livelihood Seeding Program- Negosyo Serbisyo sa Barangay ng Negosyo Center ng Department of Trade ang Industry.
Pinangunahan ni DTI Romblon DIvision Chief Orville F. Mallorca ang nasabing turn-over ceremony.
Sa maikling mensahe sinabi ni Mallorca na napaka-timely ng pagbibigay nila dahil sakto na magpapasko at makakatulong ito sigurado sa kanila.
Dumalo rin rito si Odiongan Mayor Trina Firmalo-Fabic na nagbigay naman ng inspiration message sa mga benepisyaryo.
Ilan sa mga package na natanggap ng mga benepisyaryo ay: food vendor supplies at raw materials, mga grocery items para sa mga may sari-sari stores, turmeric packaging at supplies, walis tambo tools and supplies, mga dried noodles making raw materials, at bigasan kita.
Ang Livelihood Seeding Program- Negosyo Serbisyo sa Barangay ay programa ng DTI na naglalayong tumulong sa mga indibdwal at mga micro-enterprises ngayong may pandemya na kinakaharap ang bansa.
