May 44,848 na indibidwal ang target mabakunahan kontra Covid-19 sa gaganapin na National Vaccination Day (NVD) sa susunod na linggo.
Ito ang ibinahagi ng Provincial Health Office sa ginanap na pagpupulong ng iba't ibang opisina ng gobyerno sa Romblon nitong Martes, November 23, kaugnay sa paghahanda sa NVD.
Sa bilang na ito, pinakaramaing target mabakunahan sa bayan ng Odiongan kung saan halos 600 katao ang target na mabakunahan sa isang araw.
Mahigit 550 katao rin ang target mabakunahan kada-araw sa bayan naman ng Cajidiocan, ang munisipyo sa probinsya na may pinakamababa ang porsyento ng populasyon na nababakunahan.
Ang National Vaccination Day (NVD) ay nakatakdang ganapin nationwide mula November 29 hanggang December 01.
