Nagsimula ng tumanggap ang Department of Science and Technology – Mimaropa ng mga entries para sa 2021 Regional Invention Contest and Exhibits o RIC na gaganapin sa darating na May 25-27.
Sa inanunsyo ng DOST-Mimaropa, hinihikayat nila ang mga imbentor, industrial designers, mananaliksik at mga mag-aaral sa pampubliko at pampribadong sektor na sumali sa 2021 RICE.
Iba't ibang kategorya ang maaring lahukan sa 2021 RICE kagaya ng: Outstanding Invention (Tuklas Award), Outstanding Utility Model (Unlad Award), Outstanding Industrial Design (Banghay Award), Outstanding Creative Research (Likha Award) at Outstanding Student Creative Research (Sibol Award) para sa mga mga-aaral ng high school at college.
Parangal at pabuya na aabot sa P25,000 ang matatanggap ng mananalo sa kompetisyon na may tema ngayong taon na “Imbensyon at at Inobasyon Para sa Kalusugan, Kabuhayan, Kaayusan at Kinabukasan.”
Sila din ang magiging kinatawan ng MIMAROPA sa National Invention Contest and Exhibits (NICE) sa susunod na taon.
Dahil parin sa nararanasang pandemya ng bansa, maraming pagbabago ang masasaksihan sa kompetisyon kagaya nalamang ng pagiging virtual ng kompetisyon.
Kasali na ngayon sa main criteria ng judging sa final round ang People’s Choice kung saan ang mga mapapabilang sa final round ay magpapasa ng video presentation na ilalathala sa Facebook page ng Technology Application and Promotion Institute at mamarkahan base sa engagement rate nito.
Maaari na ding sumali ang mga Out-of-School Youths ngayon sa Creative Research category o sa Student Creative Research category. Makipag-ugnayan lamang sa ahensya upang maendorso sa kompetisyon.
Para sa mga gustong sumali, handang tumanggap ng entries ang DOST Mimaropa hanggang sa ika-18 ng Abril. Kumpletuhin lamang ang mga hinihinging impormasyon sa opisyal na entry form: bit.ly/2021MIMAROPARICE. Ang mga alituntunin ay makikita sa cutt.ly/2021RICEDownloadableForm.
