Dalawampu't anim (26) na mga mag-aaral sa Senior High School ang mga bagong schoolar ng Bureau of Fisheries and Aquatic Resources (BFAR) Mimaropa para sa kanilang Fisheries Scholarship Program.
Ayon sa BFA-Mimaropa, dalawampu (20) sa mga kumuha ng exam ay nakapasa sa Fisherfol Children Education Grant (FCEG), habang tig tatalo (3) naman sa Fisheries Industry Leaders Grant at sa Indigenous Cultural Communities and The Indigenous Peoples.
Ang FCEG ay isang programa para sa mga mahihirap pero karapat-dapat na mga mag-aaral na ang mga magulang ay rehistradong mangingisda, habang ang FILG ay isang nakabatay sa merito na iskolar para sa mga nangungunang mag-aaral na nais kumuha ng Bachelor of Science in Fisheries.
Ang National Qualifying Examination para sa nabanggit na scholarship program ay isinagawa noong ika-5 ng Disyembre ng nakaraang taon.
Bilang schoolar, ang 26 ay makakatanggap ng full scholarship grant para sa kursong Bachelor of Science in Fisheries at libreng miscellaneous at school fees.
Makakatanggap rin ito ng iba pang allowance katulad ng P5,000 monthly st0ipend, P2,000 book allowance sa bawat semestre, at suporta para sa kanilang graduation at OJT.
Ang mga bagong iskolar ay nagmula sa mga paaralan ng Mansalay Catholic High School, Oriental Mindoro National High School, Calatrava National High School, Sta. Fe National High School, Looc Senior High School, Maasin High School, Dangay Natioanal High School, St. Joseph Academy, San Teodoro National High School, Western Philippines University at Fe del Mundo National High School.
