Tatlong pulis na miyembro ng 403rd Brigade Mobile Company ng Regional Mobile Force Battalion ang naiulat na nasugtan sa naganap na ambush incident sa bahagi ng national road sa Barangay Cabalwa, Mansalay, Oriental Mindoro pasado alas-11:30 kanina.
Ayon kay Police Lieutenant Colonel Imelda Tolentino, ang mga nasugtan ay kinilalang sina PCpl Vincent Dominguez, PCpl Michael Librea and Partolman Norman Alvaro. Nagpapagaling ang mga sugatang pulis sa Roxas District Hospital, Roxas, Oriental Mindoro.
Ang tatlo kasama ang dalawa pang pulis na kinilalang sina Patrolman Mevin Galendez and Patrolman Mark Joseph Rebugio ay pabalik na ng kanilang kampo mula sa pagpapatrolya ng tambangan ng mga teroristang grupo.
Agad namang nakahingi ng saklolo ang mga pulis hanggang sa dumating ang iba pang tropa ng gobyerno.
Bago tumakas ang mga terorista, nagawa pa nila na sunugin ang patrol car na sinasakyan ng limang pulis.
Nagpapatuloy ang isinasagawang hot pursuit operation ng mga miyembro ng Regional Mobile Force Battalion at ng 203rd Brigade ng Philippine Army laban sa mga terorista.
